𝐆𝐚𝐦𝐚𝐚𝐠𝐠𝐚𝐦𝐧𝐢 𝐑𝐚𝐚𝐰𝐰𝐢𝐢 𝐇𝐨𝐣𝐢𝐢 𝐊𝐮𝐫𝐦𝐚𝐚𝐧𝐚 𝟒𝐟𝐟𝐚𝐚

𝐆𝐚𝐦𝐚𝐚𝐠𝐠𝐚𝐦𝐧𝐢 𝐑𝐚𝐚𝐰𝐰𝐢𝐢 𝐇𝐨𝐣𝐢𝐢 𝐊𝐮𝐫𝐦𝐚𝐚𝐧𝐚 𝟒𝐟𝐟𝐚𝐚 𝐌𝐚𝐧𝐧𝐞𝐞𝐧 𝐌𝐮𝐫𝐭𝐢𝐢 𝐌𝐚𝐠𝐚𝐚𝐥𝐚𝐚 𝐒𝐡𝐚𝐚𝐬𝐡𝐚𝐦𝐚𝐧𝐧𝐞𝐞 𝐆𝐚𝐠𝐠𝐞𝐞𝐟𝐟𝐚𝐦𝐞.
𝐖𝐚𝐱𝐚𝐛𝐚𝐣𝐣𝐢𝐢 𝟐𝟕, 𝟐𝟎𝟏𝟖 𝐒𝐡𝐚𝐚𝐬𝐡𝐚𝐦𝐚𝐧𝐧𝐞𝐞
•••••
Gamaaggamni Raawwii Hojii Kurmaana 4ffaa Manneen Murtii Magaalaa Shaashamannee kenniinsa tajaajila abbaa seerummaa qulqullina, si'aayina fi dhaqqabamummaa qabu mirkaneessuuf,akkasumas haqni hawaasa keessatti akka raawwatamu gochuuf bara hojii kana keessatti xiyyeeffannoo guddaadhaan hojjataa ture gaggeesseera.
Gamaaggamni kurmaana 4ffaa (kan waggaa) kunis raawwii hojii jajjaboo fi hanqinoota mul'atan adda baasuun, fuulduraaf kallattii agarsiisuuf kan qophaa'edha.

Waltajjii gamaaggama raawwii hojii kana irratti Koreen Bulchiinsaa Mana Murtii Ol’aanaa, Koree Bulchiinsaa Mana Murtii Aanaa fi Abbootiin Gadaa kan hirmaatan yoo ta'u, Gabaasni Raawwii Hojii Pirezdaantota Aanaatiin akkasumas Gabaasni Raawwii Hojii MMO Magaalaa Shaashamannee immoo Karaa Dursaa Garee Karooraatiin dhiyaatee mariin bal'aan irratti gaggeeffameera.

Akka waliigalaatti, raawwiin hojii manneen murtii hundaa karoora olii fi sadarkaa baay'ee amansiisaa ta'een raawwatameera. Falmiiwwan fi dhimmootani adda addaa haala yeroo fi qulqullina qabuun xumuraniiru.
Itti Fayyadama Teeknoolojii Odeeffannoo fi Qunnamtii (TQO) ilaalchisee Sadarkaa manneen murtii hundatti itti fayyadamni teeknoolojii (TQO) baay'ee gaarii fi jajjabeessaa yoo ta'u ragaa ammayyeessuuf teeknoolojiitti haalaan fayyadamuun yeroo qusachuu fi tajaajila si'ataa kennuuf gumaacha guddaa godheera.
Raawwiin bara kanaa gabaasa bara darbee waliin yommuu madaalamu,baay'inni galmeewwan diigaman, qajeelfamaan gadi deebi'uu fi fooyya'u leenjii kennamaa tureen sadarkaa manneen murtii lamaanittuu fooyyee olaanaa irra jiraachuu isaa gamaaggama kanarraa hubatameera.
Xumura irratti Guduunfaa fi Kallattii Fuulduraa gabaasa raawwii hojii kurmaana 4ffaa kun karaa Pirezdaantii Mana Murtii Ol'aanaa Magaalaa Shaashamannee Obbo Yuusuf Qaalluutiin kan dhiyaate yoo ta'u, milkaa'ina hanga ammatti argame kanaan qooda fudhattoota
raawwii kana milkeessan galateeffatanii milkaa'inna argame itti fufsiisuuf fi hanqinoota hojii irratti mul'atan maqsan kallattii kaayuudhaan waltajjicha goolabaniiru.
Odeeffannoo Dabalataaf

Website: www.schcourt.gov.et/court

Telegram channel https://t.me/+HHPfi38cVpY2M2Y0

Facebook: https://www.facebook.com/profile.php?id=61550199127005

Gmail: schc@gmail.com