Marii abbootii seeraa wajjiin Laangannoo Ijaa Risoortitti gaggeeffamee jira.

𝐘𝐚𝐚'𝐢𝐢 𝐀𝐛𝐛𝐨𝐨𝐭𝐢𝐢 𝐒𝐞𝐞𝐫𝐚𝐚 𝐌𝐚𝐧𝐧𝐞𝐞𝐧 𝐌𝐮𝐫𝐭𝐢𝐢 𝐌𝐚𝐠𝐚𝐚𝐥𝐚𝐚 𝐒𝐡𝐚𝐚𝐬𝐡𝐚𝐦𝐚𝐧𝐧𝐞𝐞 𝐌𝐚𝐫𝐬𝐚𝐚 𝟑𝐟𝐟𝐚𝐚 𝐒𝐚𝐛𝐚𝐛𝐞𝐞𝐟𝐟𝐚𝐜𝐡𝐮𝐮𝐝𝐡𝐚𝐚𝐧 𝐌𝐚𝐫𝐢𝐢 𝐀𝐛𝐛𝐨𝐨𝐭𝐢𝐢 𝐒𝐞𝐞𝐫𝐚𝐚 𝐖𝐚𝐣𝐣𝐢𝐢𝐧 𝐋𝐚𝐚𝐧𝐠𝐚𝐧𝐧𝐨𝐨 𝐈𝐣𝐚𝐚 𝐑𝐢𝐬𝐨𝐨𝐫𝐭𝐢𝐭𝐭𝐢 𝐠𝐚𝐠𝐠𝐞𝐞𝐟𝐟𝐚𝐦𝐞𝐞 𝐣𝐢𝐫𝐚.

Adoolessa 19, 2018
𝑆ℎ𝑎𝑎𝑠ℎ𝑎𝑚𝑎𝑛𝑛𝑒𝑒
••••••••••••

Yaa'ii Abbootii Seeraa Manneen Murtii Magaalaa Shaashamannee Marsaa 3ffaa sababeeffachuudhaan marii abbootii seeraa wajjiin Laangannoo Ijaa Risoortitti gaggeeffamee jira.

Marii kana irratti dhiyeessiin mata duree "Meeshaalee Sirna Kakuu Aadaa gara Mana Murtii Idileetti fiduun fayyadamuun bu'aa haqa baasuu keessatti qabuu fi Komii Naamusaa fi Hanqinnoota Xiinxala Sadarkeessa Naamusaa Manneen Murtii Magaalaa Shaashamannee" jedhu irratti xiinxalli gadi fagoo akka manneen murtii magaalaa shaashamanneetti gaggeeffamaa ture karaa Garee Naamusaa fi Inispeekshiinii MMO Magaalaa Shaashamanneetiin erga dhiyaatee booda hirmaattonni marii keessaa yaada kaasuudhaan mariin bal'aan irratti gaggeeffamee jira. Waggoottan darban waliin yoo ilaallamu dhimmoonni naamusaa fooyyee qabaachuu isaa dhiyeessii kanarraa hubatameera.

Pirezdaantiin MMO Magaalaa Shaashamannee Abbootii Seeraa Manneen Murtii Magaalaa Raawwii Ol'aanaa galmaa'eef Abbootii Seeraa ifatti galateeffatanii jiru.

Itti dabaluunis haqummaan kan mirkanaa'u naamusaa fi amanamummaa abbaa seeraa irraa kan eegalu ta'uu ibsanii naamusni abbootii seeraa caalaatti akka cimuu fi hawaasni murtii seeraa irratti amantaa guutuu akka qabaatuuf kallattiin qulqullina hojii fooyyessu kaa'uudhaan maricha goolabaniiru.