Waltajin Marii Karoora Bara 2017 Gaggeefamee

Manni Murtii Aanaa Kutaa Magaalaa Allachee Gaafa Guyyaa 27/01/2017ti Karooraa BIX Bara 2017 Mana Murtii Aanaa Kutaa Magaalaa Allachee Irratti Hawaasa Mana Murtiihaa Wajjiin Mari'ateera. Waltajin Marii Haasawan Kan Saaqan Kabajamoo Pireezidaantii Mana Murtii Aanaa Kutaa Magaalaa Allachee Kab. Obbo Muhammaad Kamaaltiin Yoo Ta’an, Karoorichi BIX Ogeessa  Karoora Mana Murtichaa Obbo Abdulqaadir Abdallaatiin Waltajiif Dhiyaate Jira.Haaluma Kanaan,ergaa Karoorichi Dhiyaatee Booda Yaadni Adda Addaa Hirmaattoota Waltajjii Irraa Dhiyaatee Jira. Dabalatan Waltajii Marii Kana Irrattis Rakkoolee, Ciminaalee Fi Hanqinaalee Bara Darbee Mul'atan Irratti Mariin Bilchina Qabu Irratti Gaggeeffamee Jira. Dhuma Irrattis, Pireezidaantii Mana Murtii Aanaa Kutaa Magaalaa Allachee Kab. Obb. Muhammaad Kamaal Hawasaani Mana Murtichaa Hundi Milkaa’ina Karoorichaaf Kutannoodhaan Irratti Hojjachuu Akka Qaban Dhaamuun Fi Kallattii Fuula Duraa Kennuun Goolabameera.
Haqaaf Haqaan Haa Hojjannuu!!

Hawaasni Kenna Tajaajilaa Dhaqqabamaa Dhihootti Akka Argatuuf Xiyyeeffannoon Hojjataa Jira

Manni Murtii Kutaa Magaalaa Allachee Labsii 250/2015 Hundaayuun Bara 2016 Erga Hojii Eegalee As Hojiiwwan Kenna Tajaajilaa Si'ataa Fi Si'oominna Qabu Hawaasaaf Kennuun Gahee Ofii Bahataa Jiru. Manni Murtii Kun Abbootii Dhimmaa Tajaajila Haqaa Barbaacha Garasitti Imalan Tajaajila Saffisaa, Dhaqqabamaa Fi Haqa Qabeessa Dhiheenyatti Akka Argataniif Hojjataa Jiraachuu Ragaan Arganne Ni Agarsiisa.

Erga Manneen Murtii Kutaalee Magaalaa Bulchiinsa Magaalaa Shaashamanneetti Gadi Bu'anii Hawaasni Tajaajila Haqaa Barbaaduuf Fagoo Osoo Hin Imalin, Dhaamaatii Fi Baasii Gara Garaatiif Osoo Hin Saaxilamin Mana Murtii Kutaa Magaalaa Allacheetti Dhiheenyatti Tajaajila Argataa Jiraachuu Abbootiin Dhimmaa Himaniiru.

Perezidaantiin Mana Murtii Kutaa Magaalaa Allachee Obboo Muhaammad Kamaal Ergaa Dabarsaniin, Manni Murtichaa Teekinoolojii Gara Garaatti Fayyadamuun, Tajaajila Kenninu Si'ataa Fi Qulqulluu Akka Ta'uu Fi Hawaasni Caalmatti Akka Fayyadamuuf Kan Gargaaru Ta'uu Eeraniiru.

Manni Murtii Kutaa Magaalaa Allachee Kenna Tajaajilaa Bu'a Qabeessa, Si'ataa Fi Dhaqqabamaa Taasisuuf Teeknoolojiin Deeggaramuun, Tarsiimoo Manneen Murtii Gara Waraqa Maleessaatti Ceesisuu Jedhu Hojiirra Oolchuuf Kutannoon Hojjataa Jiraachuu Ibsaniiru.

Erga Manni Murtii Kutaa Magaalichaa Fulbaana Bara 2016 Hundaayee Kaasee Galmeewwan 3176 Ilaaluu Fi Dhibbeentaa 95 Murtii Kennuun Hawaasni Tajaajila Haqaa Saffisaa Fi Dhaqqabamaa Ta'e Argataa Jiraachuu Himaniiru.

Karoora Bu'aa Irratti Xiyyeeffate Baafachuufi Hojitti Galuun Hawaasa Tajaajilaa Kan Jiranii Fi Namoota Harka Qalleeyyiifis Tajaajila Abukaatummaa Bilisaa Ogeeyyii Isaaniitiin Kennaa Jiraachuu Kaasuun, Ragaa Sobaa Mul'atus Hambisuufi Dhaqqabamummaa Abbaa Dhimmaa Fiduufis Koree Keessummeessituu Hundeessuuf Hordoffii Taasisuun Ogeeyyonni Mana Murtichaa Gahee Ofii Bahataa Jiraachuu Kaasaniiru.

Bilisummaa Abbaa Seerummaa Mirkaneessuufis Hubannoo Kennuu, Akkasumas Sirni Ittigaafatamummaa Diriire Akka Hojiirra Oolus Xiyyeeffannoon Kan Hojjatamu Ta'uu Ibsuun, Hawaasni Dhiheenyatti Tajaajila Haqaa Dhaqqabamaa Akka Argatus Mana Murtii Aadaa Itti Dhiheenyaan Deeggaruun Gahee Ofii Bahataa Jiraachuus Eeraniiru.

Haqa Walootiif Mana Murtii Aadaa Haa Cimsinu!

Bulchiinsa Magaalaa Shaashamannee Kutaa Magaalaa Allacheetti Leenjiin Hanqinoota Seeraafi Hojmaata Labsii 240/13 Fi Tumaalee Seeraa Aadaa Mala Hiikkaa Waldhabdee Irratti Kenname.
Manni Murtii Aadaa Ummanni Keenya Tajaajila Haqaa Dhaqqabamaa, Adeemsa Salphaa Ta’eefi Baasii Xiqqaan Akka Argatu Taasisuun Sirna Seeraafi Haqa Guddina Aadaaf Duudhaa Oromootiif Gumaachuufi Miirri Abbummaa Keessatti Mirkanaa’e Uumuudha.
Ittigaafatamtuun Waajjira Aadaafi Turizimii Bulchiinsa Magaalaa Shaashamannee Aaddee Giiftii Bundhaa Kaayyoon Leenjii Kanaa Rakkoo Hubannoo Irraa Kan Ka'e Abbootiin Gadaa Murtii Kennan Irraatti Rakkachaa Turuu Himuun, Murteewwaan Walxaxaa Mana Murtii Aadaafi Idilee Woliin Akka Walitti Hin Buunee Irratti Xiyyeeffachuun Leenjii Kana Kan Keennan Yoo Ta'u Waajjirrichi Deeggarsaafi Hordooffi Barbaachisaa Taasiisuun Abbootii Gadaa Magaalichaa Waliin Qindoominaan Kan Hojjatan Ta'uu Himanii Jiru.
Ittigaafatamaan Waajjira Abbaa Alangaa Kutaa Magaalaa Allachee Obbo Seenaa Roobaa Gama Isaanitiin Sagantaa Kana Abbootii Gadaatiif Hubannoo Kennuun Abbootiin Gadaa Seeraa Aadaa Daangaa Seeraa Eeguun Murtii Akkamii Kennuu Akka Qaban Irrattii Kan Kenname Ta'uu Ibsuun, Leenjiin Kenname Galmaa Yaadame Gahuu Akka Qabuuf Qaamoonni Qooda Fudhattoota Gahee Isaanii Bahuu Akka Qaban Himanii Jiru.
Pirezedaantiin Mana Murti Kutaa Magaalaa Allachee Obbo Mohaammeed  Kamaal Hanqinoota  Labsii 240/13 Labsii Mana Murtii Aadaa Hundeessee Harcaatiiwwaan Jiru Hoj-maata Keessaa Jiru Qorannoo Taasifameen Manneen Murtii Aadaa Sakkatta'uun Hanqinna Mul'atan Akka Furamaniif Yaadamee Kan Kenname Ta'uu Ibsanii Jiru.
Manni Murtii Aadaa Hawaasni Baasii Xiqqaan Karaa Aadaafi Duudhaa Ummata Oromoo Gidduu Galeessaa Taasifateen Kannamaa Jiraachuun Himuun Mannii Murtii Aadaa Seeraa Aadaa Bu'uuraa Godhachuun Kan Hojjatu Ta'uu Ibsaniiru

Manni Murtii Aadaa Qisaasamaa Fi Dhamaatii Hawaasaa Furuuf Gahee Olaanaa Qaba.

Kutaa Magaalaa Allachetti Manni Murtii Aadaa Dhaqqabamaa Taasisuuf Hojjatamaa Jira.

Mariin KSFSH Kutaa Magaala Keenyaa Gaggeessineen

MMAKM Allachee Mariin KSFSH Kutaa Magaala Keenyaa Gaggeesse.